Ra’iisal Wasaaraha Xukuumadda Federaalka soomaliya Dr. Cumar C/Rashiid Cali Sharma’arke iyo wafdi ka tirsan xukuumadiisa ayaa haatan jooga xarunta Midowga Afrika ee magaalada Addis Ababa dalka Itoobiya, iyadoo ay socoto qabanqaabo ku aadan in Ra’iisal Wasaaraha iyo wafdi kale oo ka socda Dhaqdhaqaaqa Culumada Ahlu Sunna Waljameeca ay isla jaan gooyaan xubnaha xukuumadda uga mid noqonaya.ahlusunah

Wararka naga soo gaaraya magaalada Addis Ababa ee dalka Itoobiya ayaa sheegaya in Ra’iisal Wasaare Cumar C/rashiid uu martiqaad u sameeyay wafdiga Ahlu Sunna Waljameeca ee dhowaan heshiiska ku gaareen halkaasi, iyadoo labada dhinac ay isla meel dhigeen fulinta waxyaabihii ay ku heshiiyeen.

Heshiiska taariikhiga ah ee Xukuumadda la gaartay Culumada Ahlu Sunna Waljameeca ayaa la sheegayaa inay ku kala qeybsameen culumada, iyadoo qaar ka mid ah ay sheegeen in waxyaabaha ay ku heshiiyeen labada dhinac aysan iyagu ku qanacsaneyn, hase yeeshee warar soo baxaya ayaa sheegaya in wafdi ka tirsan Culumada Ahlu Sunna oo Addis Ababa ka tegay ay iminka kulamo la leeyihiin xubno ku sugan gobolada dalka.

Dhinaca kale, aragtiyaha kala duwan ee ka soo baxaya shacabka Soomaaliyeed kuna saabsan heshiiska dhex maray Xukuumadda iyo Dhaqdhaqaaqa Ahlu Sunna Waljameeca, ayaa iyagu muujinaya in shaqsiyaadka sheeganaya Ahlu Sunna ay yihiin kuwo aan lahayn miisaan siyaasadeed oo sidaas u buuran, iyadoo la aaminsan yahay in heshiiskaasi uu yahay mid sal adag loogu dhigayo jiritaanka Qaranimada dalka, diinta iyo dadka oo iminka khatar ugu jira inuu gebi ahaanba meesha ka baxo.


Maxamuud Axmed Xasan ( Xuurshe)
xuurshe114@hotmail.com
Muqdisho-Somalia
Tel:002521-5573321
0025250-995088

 

Contact:editorial@calayaale.com  Webmaster@calayaale.com
If you have a minute, please sign my Dreambook too!